Aktual mövzular: Dollar alış-satışı, Neftin qiyməti, COP29, Hava proqnozu

Kuru kosmodromundan “Ariane 5” raketdaşıyıcısı buraxılıb

Tarix: 17 Yanvar 2020 14:51

Avropanın “Ariane 5” raketdaşıyıcısı Fransa Qvianasında Kuru kosmodromundan buraxılıb. “Arianespace” şirkəti raketdaşıyıcının buraxılışını canlı yayımda aparıb.

“ICTnews” Elektron Xəbər Xidməti “tass.ru” saytına istinadən yazır ki, raket Fransa və Hindistanın telekommunikasiya peyklərini (“Eutelsat Konnect” və “GSAT-30”) orbitə çıxarmalıdır.

“Arianespace” şirkətindən bildirilib ki, “Eutelsat Konnect” peyki Afrikanın 40 və Qərbi Avropanın 15 ölkəsində rəqəmli fərqin xeyli azalmasını təmin edəcək. “GSAT-30” peyki Hindistan Kosmik Tədqiqatlar Təşkilatının mütəxəssisləri tərəfindən hazırlanıb. Bu peyk Hindistan ərazisində yüksək keyfiyyətli televiziya, telekommunikasiya və radio yayım xidmətlərini təmin edəcək.

Emil Hüseynov

Whatsapp ilə göndər