Aktual mövzular: Dollar alış-satışı, Məzənnə, Neftin qiyməti

Məktəbdə uşaq oğurluğu ilə bağlı yayılan məlumatlar əsassızdır - RƏSMİ

Məktəbdə uşaq oğurluğu ilə bağlı yayılan məlumatlar əsassızdır - RƏSMİ

Tarix: 24 Yanvar 2020 12:42

Bakı. Samir Əli - Trend:

Sabunçu rayonunda yerləşən məktəblərin birində uşaq oğurluğu ilə bağlı sosial şəbəklərdə yayılan məlumatlar əsassızdır, təsdiqini tapmayıb.

Bu barədə Trend-ə açıqlamasında Bakı şəhər BPİ-nin Mətbuat Xidmətinin rəisi, polis mayoru Elşad Hacıyev bildirib.

Onun sözlərinə görə, Bakı şəhər BPİ və Sabunçu RPİ əməkdaşlarının birgə keçirdiyi təxirəsalınmaz müvafiq tədbirlər nəticəsində fotoşəkilləri yayılan qadın, 1965-ci ildə Xızı rayonunda anadan olan Reyhan Səfərova müəyyən olunaraq, polis idarəsinə gətirilib.

Araşdırmalar nəticəsində məlum olub ki, qadın həmin ərazidə kirayədə yaşayır, əvvəllər məhkum olunmayıb, sakit həyat tərzi sürür, sağlamlıq imkanları məhduddur:

"Diqqətə çatdırırıq ki, həmin məlumatlar tərəfimizdən qəti şəkildə təkzib olununur, polis orqanları ilə heç bir dəqiqləşdirmə aparamdan əsassız yazılıb, iddialar dezinformasiyadır, təxribat xarakteri daşıyır".


Etiketlər:  Məktəbdə uşaq oğurluğu ilə bağlı yayılan məlumatlar əsassızdır RƏSMİ


RƏYLƏR



Populyar Xəbərlər

XƏBƏR LENTİ