Aktual mövzular: Dollar alış-satışı, Neftin qiyməti, COP29, Hava proqnozu

Honkonqda koronavirusdan ilk ölüm hadisəsi qeydə alınıb

Honkonqda koronavirusdan ilk ölüm hadisəsi qeydə alınıb

Tarix: 4 Fevral 2020 08:16

Bakı. Trend:

Honkonqun xüsusi inzibati bölgəsində yeni növ koronavirusdan ilk ölüm hadisəsi qeydə alınıb.

Trend-in məlumatına görə, Şahzadə Marqaret Xəstəxanasında koronavirusdan müalicə alan 39 yaşlı xəstə səhər saatlarında qəfildən dünyasını dəyişib.

Məlumatda bildirilir ki, ölən şəxs yanvarın 21-də sürətli qatarla Vuhana səfər edib və iki gün sonra Honkonqa qayıdıb. Yanvarın 31-də simptomlar özünü göstərməyə başlayarkən dərhal tibbi yardıma müraciət edib və ona yeni növ koronavirus diaqnozu qoyulub.

Son məlumatlara görə, Honkonqda 15 yoluxma hadisəsi qeydə alınıb, daha 159 adam tibbi nəzarətdədir.

Xatırladaq ki, Çində ötən ilin dekabrından 2019-nCoV koronavirusu yayılmağa başlayıb. Virusa yoluxanların sayı 20 438-ə, ölənlərin sayı isə 425-ə yüksəlib.

Trend-in ən mühüm və maraqlı xəbərlərini "Telegram"da izləyin


Etiketlər:  Honkonqda koronavirusdan ölüm hadisəsi qeydə alınıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ