Aktual mövzular: Dollar alış-satışı, Məzənnə, Neftin qiyməti

AQTA əməkdaşları Gəncədə sahibkarlarla görüşüb (FOTO)

AQTA əməkdaşları Gəncədə sahibkarlarla görüşüb (FOTO)

Tarix: 21 May 2019 17:36

Bakı. Trend:

Qida Təhlükəsizliyi Agentliyi (AQTA) bölgələrdə sahibkarların maarifləndirilməsi tədbirlərini davam etdirir.

AQTA-dan Trend-ə verilən məlumata görə, bu tədbirlər çərçivəsində Agentliyin əməkdaşları növbəti dəfə Gəncədə sahibkarlarla görüşüblər.

Görüşdə Gəncə və ətraf rayondan olan 100-ə yaxın sahibkar iştirak edib. Agentliyin əməkdaşları onlara qida təhlükəsizliyi sahəsində fəaliyyət göstərən subyektlərin qeydiyyatı, qida məhsullarının, baytarlıq və fitosanitar nəzarətində olan yüklərin idxal-ixracına dair tələblər və bu sahədə dövlət nəzarətinin həyata keçirilməsi barədə geniş məlumat veriblər.

Tədbirdə qida məhsullarının təhlükəsizliyinin təmin edilməsinin əsas prioritetlərdən olduğu vurğulanıb. Həmçinin, müasir kəsim məntəqələrinin yaradılması, bu istiqamətdə fəaliyyət göstərən sahibkarlara Agentlik tərəfindən metodiki dəstəyin göstəriləcəyi tədbir iştirakçıların diqqətinə çatdırılıb.

Görüşün sonunda sahibkarları maraqlandıran suallar cavablandırılıb və onların problemlərin həlli istiqamətində fikir mübadiləsi aparılıb.


Etiketlər:  AQTA əməkdaşları Gəncədə sahibkarlarla görüşüb FOTO


RƏYLƏR



Populyar Xəbərlər

XƏBƏR LENTİ