Aktual mövzular: Dollar alış-satışı, Neftin qiyməti, COP29, Hava proqnozu

“Apple” smartfonlarda məhsuldarlığın aşağı düşməsinə görə 500 milyon dollar ödəməyə qərar verib

“Apple” smartfonlarda məhsuldarlığın aşağı düşməsinə görə 500 milyon dollar ödəməyə qərar verib

Tarix: 3 Mart 2020 14:24

“Apple” korporasiyası köhnə “iPhone” cihazlarının sahiblərinə 500 milyon dollaradək ümumi kompensasiya ödəməyə razılaşıb. Bu barədə “Reuters” agentliyi məlumat yayıb.

 

“ICTnews” Elektron Xəbər Xidməti “lenta.ru” saytına istinadən yazır ki, korporasiya “iOS” mobil əməliyyat sisteminin yeni versiyaları quraşdırıldıqdan sonra məhsuldarlığı aşağı düşmüş ABŞ-dakı hər bir cihaz üçün 25 dollar ödəməyə razılaşıb.

 

Məlumata görə, “Apple” sözügedən qərarı qəbul etsə də, öz günahını etiraf etməyib.

 

2017-ci ilin sonunda “Apple” şirkəti “iPhone” cihazlarının məhsuldarlığının aşağı düşməsini etiraf etmişdi. Şirkətin rəsmiləri bildirmişdilər ki, onlar bunu yalnız yüksək yüklənmə vaxtı cihazın öz-özünə sönməsinin qarşısını almaq üçün ediblər. “iOS 11.3” sistemi çıxarılandan sonra smartfonlarda məhsuldarlığın aşağı düşməsini aradan qaldırmaqla yanaşı, batareyanın vəziyyətini də yoxlamaq imkanı əlçatan olub.

 

Emil Hüseynov




Etiketlər:  Apple smartfonlarda məhsuldarlığın aşağı düşməsinə görə milyon dollar ödəməyə qərar verib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ