Aktual mövzular: Dollar alış-satışı, Neftin qiyməti, COP29, Hava proqnozu

Birləşmiş Ştatların gündəlik neft istehsalında növbəti rekord qeydə alınıb

Tarix: 6 Mart 2020 07:48

ABŞ-ın sutkalıq xam neft hasilatı rekord göstəriciyə çatıb.

Sonxeber.net AZƏRTAC-a istinadən xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ABŞ-ın neft istehsalı 101 min barrel artaraq gündəlik orta hesabla 13,1 milyon barrel olub. Bu göstərici ölkə tarixində neft istehsalının ən yüksək səviyyəsidir. Birləşmiş Ştatların neft hasilatı sonuncu dəfə 1970-ci ilin noyabrında maksimum - gündəlik orta hesabla 10,04 milyon barrel təşkil edib.

Keçən həftə neft hasilatı Alyaska ştatında min barrel, digər ştatlarda isə 100 min barrel çoxalıb.

EIA-nın proqnozuna görə, ABŞ-ın neft istehsalı bu il sutkalıq orta hesabla 13,2 milyon barrel olacaq. 2021-ci ildə isə gündəlik hasilatın 13,56 milyon barrelə çatacağı gözlənilir.

Qeyd edək ki, ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük neft istehsalçısı olub.

Whatsapp ilə göndər