Xiaomi şirkəti qeyri adi AR eynəyin patentini əldə etdi

Tarix: 12 Mart 2020 08:28

Hələ 2012-ci ildə Google şirkəti Google Glass adlı smart eynək modelini təqdim etmişdi. Lakin nəticədə həmin eynək istifadəçilər arasında məşhur ola bilmədi. Buna baxmayaraq bir sıra istehsalçıların fikirlərinə əsasən bu cür eynəklər gələcəkdə standart smartfonları əvəz edə biləcəklər. Görünür, Xiaomi şirkəti özünün AR cihazı üzərində işlərə start verərək sadalanmış vəziyyətin gəlməsinə hazırlaşır.

Sonxeber.net technote.az-a istinadən bildirir ki, ortaya çıxmış təsvirlər Xiaomi-nin AR cihaz patentindən götürülüb. Ortaya çıxmış patent təsvirlərindən də görmək olar ki, sözügedən cihaz eynəkdən və ona naqil vasitəsilə qoşulmuş bərkidicidən ibarətdir. Çox güman ki, cihazın bütün elektron komponentləri məhz həmin bərkidicidə yerləşəcək. Bununla yanaşı bərkidici hissənin üzərində '+' və '-' düymələrini də görmək olar.

Çox güman ki, onlar səsin tənzimlənməsi üçün nəzərdə tutulublar. Sözügedən düymələrin yanında daha bir düymə də var. Lakin həmin düymənin hansı funksiyanı yerinə yetirəcəyi bilinmir. Bu cür cihazın tam avtonom şəkildə və ya smartfona Bluetooth vasitəsilə qoşularaq əlavə aksessuar şəklində çalışıb-çalışmayacağı bilinmir. Həmçinin Xiaomi-nin nəticədə belə bir məhsulu satışa çıxardıb-çıxartmayacağı da dəqiq deyil.