Aktual mövzular: Dollar alış-satışı, Neftin qiyməti, COP29, Hava proqnozu

158 mindən çox insanın evdən çıxma icazəsi təsdiqlənib

Tarix: 4 Aprel 2020 13:36

Xüsusi karantin rejimində hərəkətinə icazə verilməsi üçün "icaze.e-gov.az" portalı vasitəsilə qeydiyyatdan keçən dövlət qurumları və özəl təşkilatların əməkdaşlarının bu günə olan sayı açıqlanıb.

Sonxeber.net bakupost-a istinadən xəbər verir ki, bu barədə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən məlumat verilib.

Bildirilib ki, sistemin fəaliyyətə başladığı ilk gündə 11 min 986 qurumun 158 min 170 əməkdaşının icazəsi təsdiqlənib.

"Əməkdaşlar üçün icazənin alınmasına görə dövlət və özəl təşkilatlar tərəfindən icaze.e-gov.az portalı üzərindən müraciətlərin ilk günü arxada qaldı. Proses bu gün (dünən-red), 3 aprel saat 10:00-da başladı.

"Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi"ni Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Elektron Hökumətin İnkişafı Mərkəzi Daxili İşlər Nazirliyi ilə birgə ərsəyə gətirib", - deyə məlumatda bildirilib.

Whatsapp ilə göndər