Aktual mövzular: Dollar alış-satışı, Neftin qiyməti, COP29, Hava proqnozu

Dörd saatlıq baş məşqçi - Türkiyə klubunda

Tarix: 1 Iyun 2019 21:52

"Kasımpaşa" bu gün baş məşqçi vəzifəsinə gətirdiyi İbrahim Üzülməzlə müqaviləyə xitam verib.

Qol.az-ın "ntvspor"a istinadən yaydığı xəbərə görə, İstanbul klubu 45 yaşlı mütəxəssislə 1 illik sözləşmə imzaladıqdan 4 saat sonra onunla yollarını ayırıb. Baş məşqçi buna klub rəhbərliyi ilə aralarında yaranmış fikir ayrılığının səbəb olduğunu bildirib:

"Müqavilə imzalandıqdan sonra klubun növbəti mövsümdəki hədəfləri və transfer siyasəti barədə fikirlərimiz üst-üstə düşmədi. Buna görə də yolları ayırdıq. Hər kəs üçün xeyirli olsun".

Qeyd edək ki, "Kasımpaşa" geridə qalan mövsümdə Superliqanı 39 xalla 14-cü pillədə tamamlayıb.