Aktual mövzular: Dollar alış-satışı, Neftin qiyməti, COP29, Hava proqnozu

Hərbi peyki ''sındıran'' proqramçılara mükafat veriləcək

Tarix: 28 Aprel 2020 20:20

ABŞ-da proqramçı və mühəndislərin iştirakı ilə diqqətçəkən müsabiqə keçiriləcək. Müsabiqədə sözügedən şəxslər orbitdə yerləşən hərbi peyki "sındırmalı"dırlar.

Sonxeber.net ted.az-a istinadən bildirir ki, bu tapşırığı bacaranlar mükafat qazanacaqlar.

Müsabiqə üç mərhələdən ibarət olacaq. Birinci mərhələ artıq aprelin 22-dən etibarən başlayıb. Bu mərhələdə komandaların rəsmi qeydiyyatı aparılır. Müsabiqənin ikinci mərhələsinə may ayında start veriləcək. Final mərhələsi isə avqustda, "DEF CON" konfransı çərçivəsində keçiriləcək.

Mayın 22-də komandalar seçmə mərhələsinə buraxılmaq üçün seçim mərhələsində 48 saat mübarizə aparacaqlar.

Komandalar onlara verilən tapşırıqları yerinə yetirəcək və yeni tapşırıqlar alacaqlar. Bu mərhələdən sonra final mərhələsinə 10 ən yaxşı nəticə göstərən komanda buraxılacaq.

Final mərhələsində komandalar orbitdəki hərbi peyk aparatlarına daxil olmağa çalışacaqlar. Finala vəsiqə qazanan komandaların hər bir üzvü 15 min dollar mükafat qazanacaq.

Whatsapp ilə göndər