Aktual mövzular: Dollar alış-satışı, Neftin qiyməti, COP29, Hava proqnozu

Astaraçay üzərində yeni körpü tikiləcək

Astaraçay üzərində yeni körpü tikiləcək

Tarix: 20 May 2020 14:56

Yaxın gələcəkdə İran İslam Respublikası və Azərbaycan Respublikası arasında Astaraçay çayı üzərində yeni körpünün tikilməsinə başlanacaq.

Sonxeber.net Trend-ə istinadən xəbər verir ki, bunu İranın şimalında yerləşən Gilan vilayətinin Astara rayonunu qubernatoru Həsən Rüstəmzad deyib. 

H.Rüstəmzadın sözlərinə görə, bu körpü İran və Azərbaycan arasında Astaraçay üzərində 3-cü beynəlxalq körpü olacaq və ondan tranzit yük maşınlarının keçməsi üçün istifadə olunacaq.

Rüstəmzad deyib ki, bu körpünün inşa olunmasına 400 milyard rial (təxminən 9,5 milyon dollar) vəsait ayrılıb.

O əlavə edib ki, Astara dəmiryolu terminalı ərazisində taxıl və neft anbarları inşa edilməkdədir. Azərbaycan bu layihələrin icra olunması üçün 60 milyon dollar investisiya yatırıb.

Astara-Rəşt dəmir yolunun 10 kilometri İranın Astara rayonu ərazisindədir. Bu dəmir yolunun inşasına 600 milyard rial (təxminən 14,2 milyon dollar) vəsait ayrılıb və inşa işləri davam edir.


Etiketlər:  Astaraçay üzərində yeni körpü tikiləcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ