Huawei geri addım atmır: İndi də Google-a alternativ yaratdı

Tarix: 25 Iyun 2020 21:12

ABŞ-ın sanksiyalarından dolayı Google-un xidmətlərindən yararlana bilməyən Huawei yeni axtarış sistemi olan Petal Search tətbiqini istifadəyə verib.

Sonxeber.net ted.az-a istinadən bildirir ki, Petal Search istifadəçilərin bir toxunuşla bütün tətbiqləri sürətli şəkildə axtarması və yükləməsini təmin edəcək.

Bu tətbiq vasitəsilə asanca "widget" əlavə edə, telefonun əsas ekranındakı  tətbiqləri sadə və sürətli şəkildə axtara bilərsiniz.

Huawei rəsmilərindən Cheng Jiangfei bu barədə açıqlamasında diqqətə çatdırıb ki, təmsilçisi olduğu şirkət istehlakçılara ən modern, ən müasir texnologiyaları təqdim etmək üçün sürəkli yenilik axtarışındadır: "İndi Petal Search tətbiq axtarış proqramı ilə Huawei istifadəçiləri çoxsaylı, vacib tətbiqləri asanca axtara, onlarla tanış ola, telefonuna yükləyə bilərlər".