Aktual mövzular: Dollar alış-satışı, Neftin qiyməti, COP29, Hava proqnozu

Bakıda qanunsuz fəaliyyət göstərən masaj salonu aşkarlanıb

Tarix: 5 Avqust 2020 18:30

Bakı. Samir Əli - Trend:

Paytaxtın Xətai rayonunda xüsusi karantin rejimi qayda və tələblərinin pozulması ilə müşayiət olunan “Magic Tours - Massage Center” adlı masaj salonu aşkar olunaraq fəaliyyəti dayandırılıb.

Bakı şəhər Baş Polis İdarəsinin Mətbuat Xidmətindən Trend-ə verilən məlumata görə, Xətai RPİ əməkdaşlarının keçirdiyi tədbirlərlə rayon ərazisində sahibkarlıq subyektinin icarədarı, işçiləri və müştəriləri inzibati məsuliyyətə cəlb olunublar.

Ümumilikdə 10 nəfər saxlanılaraq barələrində qanunvericiliyə uyğun tədbirlər görülüb. İnzibati Xətalar Məcəlləsinin 211-ci maddəsinə uyğun olaraq, obyektin icarədarı S.Sultanlı 6000 manat, digərləri 100 manat cərimə olunublar.

Whatsapp ilə göndər