Aktual mövzular: Dollar alış-satışı, Neftin qiyməti, COP29, Hava proqnozu

İlk “Nokia” televizor qurğusu təqdim olunub

İlk “Nokia” televizor qurğusu təqdim olunub

Tarix: 25 Avqust 2020 20:52

Finlandiyanın "Nokia" şirkəti "Android 9 TV" əməliyyat sisteminin idarəetməsi ilə işləyən "Nokia Media Streamer" televizor qurğusunu təqdim edib.

Sonxeber.net techland.az-a istinadən bildirir ki,  "Full HD" (1920 x 1080 piksel) təsvir ölçülü kontenti göstərən qurğu dördnüvəli prosessor, 1 giqabaytlıq operativ yaddaş və 8 giqabaytlıq quraşdırılmış yaddaşla təchiz edilib. "Nokia Media Streamer" ikidiapazonlu "Wi-Fi", "Dolby Digital Audio" sistemi və səsli idarəetmə üçün fərdi "Google Assistant" funksiyası ilə birgə işləməyə imkan verən məsafədən idarəetmə pultu dəstəyinə malikdir.

Bundan başqa, "Nokia" və "ZEE5" şirkəti arasında əməkdaşlıq sayəsində qurğu xüsusi "ZEE5" düyməsi ilə təchiz edilib. O, istifadəçilərə 100-dən çox videoservis kanalından istifadəyə imkan verəcək. Televizor qurğusuna "Netflix" düyməsi də quraşdırılıb.

Bundan əlavə, "Nokia Media Streamer" bir neçə giriş/çıxış portları və quraşdırılmış "Chromecast" pleyeri ilə təchiz olunub.

"Nokia Media Streamer" televizor qurğusunun qiyməti 45 dollar təşkil edir.


Etiketlər:  İlk Nokia televizor qurğusu təqdim olunub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ