Aktual mövzular: Dollar alış-satışı, Məzənnə, Neftin qiyməti

Məktəbəhazırlıq qruplarına 26 459 uşaq qeydiyyatdan keçib

Məktəbəhazırlıq qruplarına 26 459 uşaq qeydiyyatdan keçib

Tarix: 18 Sentyabr 2020 16:51

Bakı. İlhamə İsabalayeva - Trend:

Sentyabrın 18-i saat 16:00-a olan məlumata əsasən, Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin məktəbəhazırlıq qruplarına 26 459 elektron müraciət daxil olub.

BŞTİ-dən Trend-ə bildirilib ki, valideynlər (digər qanuni nümayəndələr) www.mektebeqebul.edu.az elektron sistemi vasitəsilə özünün və övladının şəxsiyyət vəsiqəsi ilə qeydiyyatdan keçə bilər. 2020-2021-ci tədris ili üzrə məktəbəhazırlıq qruplarına 2015-ci ildə anadan olmuş uşaqlar cəlb olunurlar.

Qeyd edək ki, dövlət ümumi təhsil müəssisələrinin məktəbəhazırlıq qruplarına elektron qeydiyyat prosesi sentyabrın 24-dək davam edəcək.

Məktəbəhazırlıq qruplarının yaradılmasında məqsəd 5 yaşlı uşaqların məktəb təliminə hazırlığı ilə əlaqədar psixoloji dayanıqlığını artırmaq, əhatə olunduqları aləmə və təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.

Məktəbəhazırlıq qrupları dövlət vəsaiti hesabına müvafiq təlim və metodiki vəsaitlərlə təmin edilir.


Etiketlər:  Məktəbəhazırlıq qruplarına 26 459 uşaq qeydiyyatdan keçib


RƏYLƏR



Populyar Xəbərlər

XƏBƏR LENTİ