Aktual mövzular: Dollar alış-satışı, Məzənnə, Neftin qiyməti

"Belə bir əlamətdar gündə Bakıda olmaqdan xüsusilə məmnunuq" - Mövlud Çavuşoğlu

Tarix: 8 Noyabr 2020 18:00

Belə bir əlamətdar gündə Bakıda olmaqdan xüsusilə məmnunuq.

Milli.Az AZƏRTAC-a istinadən bildirir ki, bunu Türkiyə Respublikasının xarici işlər naziri Mövlud Çavuşoğlu noyabrın 8-də Prezident İlham Əliyevin qəbulunda olarkən deyib.

Dövlət başçısı bildirib:

"Bizi qəbul etdiyiniz üçün çox təşəkkür edirik, cənab Prezident. Biz hər zaman Bakıda və Sizin qəbulunuzda olmaqdan böyük məmnunluq hissi keçiririk. Amma bu gün xüsusilə çox məmnunuq. Çünki qəhrəman Azərbaycan Ordusu Ali Baş Komandan, Zati-alinizin rəhbərliyi ilə qədim Şuşa şəhərini işğalçı Ermənistandan geri alıb. Beləliklə, qəhrəman Azərbaycan Ordusunu, Ali Baş Komandan olaraq Sizi və bu çətin günlərdə, xüsusilə də Ermənistanın atdığı raketlərə baxmayaraq, ayaqda dayanan, Ali Baş Komandanının və onun qəhrəman ordusunun arxasında dayanan qardaş Azərbaycan xalqını cani-qəlbdən təbrik edirik.

Hörmətli Prezidentimizin də salamlarını xüsusilə çatdırmaq istəyirəm. Belə bir əlamətdar gündə - Bayraq Günündə burada, Bakıda olmaqdan xüsusilə məmnunuq.

Bizi qəbul etdiyiniz üçün təşəkkür edirik. Bir daha təbrik edirik, cənab Prezident".

Milli.Az


Etiketlər:  Belə bir əlamətdar gündə Bakıda olmaqdan xüsusilə məmnunuq Mövlud Çavuşoğlu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ