Elmar Məmmədyarov: Azərbaycan hələ də öz müstəqilliyini gücləndirməlidir

Tarix: 8 Iyul 2019 11:15

Bakı. Ləman Zeynalova - Trend:

Azərbaycan hələ də öz müstəqilliyini gücləndirməlidir.

Trend-in məlumatına görə, bunu Azərbaycanın Xarici İşlər naziri Elmar Məmmədyarov Azərbaycanın “Diplomatik xidmət orqanlarının 100 illiyi” münasibətilə keçirilən beynəlxalq konfransda çıxışı zamanı deyib.

Xarici İşlər naziri qeyd edib: "Azərbaycan hələ də öz müstəqilliyini və suverenliyini gücləndirməli, ərazi bütövlüyünü təmin etməlidir".

E.Məmmədyarov Azərbaycanın xarici siyasət prioritetlərindən də danışıb. Bildirib ki, ölkəmizin əsas xarici siyasət prioriteti Azərbaycanın müstəqilliyinin möhkəmləndirilməsidir.

Elmar Məmmədyarov Azərbaycan Xalq Cümhuriyyətinin fəaliyyəti barədə ətraflı məlumat verib.

Xarici İşlər naziri müasir müstəqil Azərbaycan dövlətinin yaranmasından və inkişafından, onun xarici siyasətindən danışıb.

Trend-in ən mühüm və maraqlı xəbərlərini "Telegram"da izləyin