Aktual mövzular: Dollar alış-satışı, Neftin qiyməti, COP29, Hava proqnozu

İngiltərədə hinduşkalarda quş qripi aşkarlandı

Tarix: 6 Dekabr 2020 18:52

İngiltərədə hinduşkalarda quş qripi aşkarlanıb.

APA-nın xəbərinə görə, bu barədə "Sun" qəzeti İngiltərənin Ətraf Mühiti Mühafizə üzrə Nazirliyə istinadən məlumat yayıb.

Ölkənin şimalındakı Norfolk qraflığındakı hinduşka fermasında quş qripi aşkarlanıb, 30 min hinduşka məhv edilib. Bundan əvvəl isə keçən həftə Şimali Yorkşirdə fermada quş qripi aşkarlanıb, 10,5 min hinduşka məhv edilib.

Hazırda Norfolk qraflığındakı fermalarda infeksiyanın mənbəyini və xəstəliyin fermalarda hansı müddətdir ki, yayıldığını müəyyənləşdirilməsi üçün araşdırma aparılır.

İngiltərədə fermalarda hinduşkalarda aşkarlanan quş qripinin ştampının hazırda Avropada çöl quşları arasında yayılan quş qripi ilə əlaqəli olduğu da təsdiqini tapıb.

Qeyd edək ki, hinduşka Böyük Britaniyada Yeni il süfrəsində ən məşhur yeməklər sırasında yer alır. Hinduşkalar arasında quş qripinin yayılması ilə əlaqədar onların məhv edilməsi Yeni ildə ərzaq mağazalarında hinduşka əti çatışmazlığına yol aça bilər.

Whatsapp ilə göndər