Aktual mövzular: Dollar alış-satışı, Neftin qiyməti, COP29, Hava proqnozu

Huawei smartfonlarının qutularını şarj cihazından məhrum edə bilər

Huawei smartfonlarının qutularını şarj cihazından məhrum edə bilər

Tarix: 22 Dekabr 2020 20:56

Samsung-un yeni flaqman smartfonlarının qutularında şarj cihazının olmayacağı barəsində məlumatların yayılmasından sonra insayderlər Huawei şirkətinin öz smartfonları ilə bağlı yeni siyasəti haqqında məlumat veriblər. Bunun əsas səbəbi isə şirkətin öz istifadəçiləri arasında aparmış olduğu sorğudadır. Bu barədə 4pda saytı xəbər verib. Hələ iPhone 12 seriyasının təqdimatından öncə internetdə məlumat yayılmışdı ki, yeni iPhone modellərinin qutularında şarj cihazı olmayacaq. Təqdimat zamanı bu məlumat təsdiqləndi və yeni iPhone 12 modellərinin qutularında həqiqətən də şarj cihazı mövcud deyil.

Apple şirkətinin bu cür qərarı bir çox istehsalçılar tərəfindən gülüş mənbəyinə çevrildi. Lakin bir sıra məlumatlara əsasən həmin istehsalçıların özləri də Apple şirkətinin yeni strategiyası üzrə gedəcəklər. Huawei şirkəti öz istifadəçiləri arasında sorğu keçirdib. Sorğu çərçivəsində şirkət öz istifadəçilərinə sual verib ki, onlar naqilsiz şarj komplektində USB Type-C naqilinə ehtiyac duyurlar yoxsa yox və həmin naqilin olmayacağına onlar necə reaksiya verərlər. Bu sorğu yalnız USB Type-C naqilini əhatə edib. Lakin insayderlər xəbər veriblər ki, Huawei bu məsələni şarj cihazı kimi digər aksesuarlara da aid edə bilər.


Etiketlər:  Huawei smartfonlarının qutularını şarj cihazından məhrum edə bilər


RƏYLƏR



Populyar Xəbərlər

XƏBƏR LENTİ