Aktual mövzular: Dollar alış-satışı, Neftin qiyməti, COP29, Hava proqnozu

FAO Azərbaycanın azad edilmiş ərazilərində kənd təsərrüfatının inkişafı üzrə işlərə başlayacaq

FAO Azərbaycanın azad edilmiş ərazilərində kənd təsərrüfatının inkişafı üzrə işlərə başlayacaq

Tarix: 26 Yanvar 2021 18:28

Bakı. Fidan Babayeva, tərcümə Orxan Nəbiyev - Trend:

BMT Ərzaq və Kənd Təsərrüfatı Təşkilatı (FAO) Azərbaycanın azad edilmiş ərazilərində Azərbaycanın təyin etdiyi prioritetlər əsasında kənd təsərrüfatının inkişafına dəstək göstərməyə hazırdır.

Bunu Trend-ə FAO-nun Azərbaycandakı Tərəfdaşlıq və Koordinasiya Ofisindən bildiriblər.

Qeyd olunub ki, yaxın illərdə azad edilmiş ərazilərdə BMT üçün qəbulolunan mexanizmlər çərçivəsində kənd təsərrüfatının inkişafı istiqamətində işlərin başlaması planlaşdırlır: "Hazırda BMT üçün əsas prioritet bu ərazilərin minalardan təmizlənməsidir. Bununla əlaqədar olaraq Azərbaycana dəstək məqsədilə ilkin qiymətləndirmələr aparılır".

Bundan başqa, təşkilatdan bildiriblər ki, Azərbaycan hökumətinin müraciəti əsasında BMT post-münaqişə tələbləri üzrə qiymətləndirmə işlərinin hökumətlə müzakirəsini keçirəcək: "BMT-nin dəstəyi bu ərazilərin tam təhlükəsiz olmasından sonra məcburi köçkünlərin qayıtması üçün zəruri olan prioritet istiqamətlər əsasında formalaşacaq".


Etiketlər:  Azərbaycanın azad edilmiş ərazilərində kənd təsərrüfatının inkişafı üzrə işlərə başlayacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ