Aktual mövzular: Dollar alış-satışı, Neftin qiyməti, COP29, Hava proqnozu

ABŞ Səudiyyə Ərəbistanındakı hərbi bazalarını gücləndirəcək

ABŞ Səudiyyə Ərəbistanındakı hərbi bazalarını gücləndirəcək

Tarix: 29 Yanvar 2021 19:00

"ABŞ yaxın vaxtlarda Səudiyyə Ərəbistanındakı hərbi bazalarını gücləndirəcək".

Sonxeber.net APA-ya istinadən bildirir ki, bunu Pentaqonun mətbuat katibi Anton Semelrot bildirib.

Onun sözlərinə görə, Müdafiə Nazirliyi hazırda Yaxın Şərq və İran körfəzi zonasındakı mövqeyini dəyərləndirir, risklər və tələblər arasında balans yaratmağa çalışır.

Tramp administrasiyası dövründə Səudiyyə Ərəbistanına silah satışının dayandırıldığına gəlincə, A. Semelrot bunu həmin dövrdə verilmiş müvəqqəti qərar adlandırıb: "Bu addım Bayden administrasiyasının şəffaflıq və mükəmməl idarəçilik prinsiplərinə sadiqliyini göstərir. Hesab edirik ki, silah satışı üzrə siyasətimiz tərəfdaşlar üçün risklərə qarşı etibarlı müdafiə sistemləri yaratmaq istəyimizlə düz mütənasib olmalıdır".

Qeyd edək ki, ABŞ Mərkəzi Komandanlığının rəhbəri general Kennet Makkenzi Pentaqonun Səudiyyə Ərəbistanına silah satışı üzrə ilkin razılaşma əldə olunduğunu açıqlayıb. O bildirib ki, razılaşdırılan məqamlar arasında İranla mümkün müharibə vaxtı Səudiyyə Ərəbistanının qərbindəki aviabaza və dəniz limanlarından istifadə məsələsi də var.


Etiketlər:  ABŞ Səudiyyə Ərəbistanındakı hərbi bazalarını gücləndirəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ