Elşad Xose özünə sevgili tapıb - FOTO

Tarix: 3 Fevral 2021 17:15

"Bəli, bir xanımla eşq yaşayıram. Kişi ilə eşq yaşamayacağıq ki, xanımla yaşayacağıq da. Bu aləmdən deyil".

Sonxeber.net axşam.az-a istinadən bildirir ki, bu sözləri reper Elşad Xose "Onun sirri" proqramında deyib. Sənətçi aparıcı Lətafət Ələkbərovanın "Hazırda həyatınızda bir xanım var" sözlərini təsdiqləyib.

Elşad nə vaxt evlənəcəyini isə açıqlamaq istəməyib:

"Uzun müddət tək olmuşam, tək yaşamağa öyrəşmişəm. Amma beş dostla görüşəndə dördü telefonla olursa... Elə dövrandır ki, yanında adam olmalıdır. Söhbət evlilikdən getmir. Evlilik ola da, olmaya da bilər. Sabahımı bilmirəm".

Proqram heyəti Lətifə adlı həmin qadının yaşadığı ünvana yollanıb və ona Elşadla eşq yaşadığını soruşub. O, reperlə sevgili olduğunu deyərək "Uzun müddətdir sevgiliyik, hər şey yaxşıdır. Bu haqda Elşadın özündən soruşun" sözlərini söyləyib.