Aktual mövzular: Dollar alış-satışı, Neftin qiyməti, COP29, Hava proqnozu

Rusiya XİN: Gürcüstanla uçuşların bərpası üçün şərtlər dəyişməyib

Rusiya XİN: Gürcüstanla uçuşların bərpası üçün şərtlər dəyişməyib

Tarix: 10 Fevral 2021 16:16

Rusiya Xarici İşlər Nazirliyi (XİN) Gürcüstanla hava əlaqəsinin bərpası ilə bağlı şərtlərinin dəyişmədiyini bildirib.

Sonxeber.net APA-ya istinadən bildirir ki, Rusiya xarici işlər nazirinin müavini Andrey Rudenko TASS-a müsahibəsində bildirib ki, Rusiya ilə Gürcüstan arasında hava əlaqəsinin bərpası epidemioloji vəziyyətlə yanaşı, Gürcüstan ərazisində Rusiya vətəndaşlarının təhlükəsizliyindən asılıdır.

"Gürcüstanla hava əlaqəsinə gəlincə, pandemiya ilə əlaqəli məhdudiyyətlərə əlavə olaraq, Rusiya Prezidentinin radikalların hərəkətləri səbəbindən 2019-cu ildə qüvvəyə minən fərmanı hələ də qüvvədədir. Rusiya tərəfi fərmanın ləğvi üçün şərtləri dəfələrlə səsləndirib", - deyə Rusiya XİN başçısının müavini qeyd edib.

Xatırladaq ki, 2019-cu il iyunun 20-də başlayan və "Qavrilov gecəsi" kimi tanınan etiraz aksiyalarına cavab olaraq Rusiya tərəfi 8 iyul tarixindən etibarən Gürcüstana birbaşa uçuşları dayandırıb.


Etiketlər:  Rusiya XİN Gürcüstanla uçuşların bərpası üçün şərtlər dəyişməyib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ