Xalq artistindan möhtəşəm layihə - Klipini görün kimlərə həsr edəcək

Tarix: 20 Aprel 2021 15:15

"Klipim Hərbi Qənimətlər Parkında və işğaldan azad edilən torpaqlarımızda əsgərlərimizlə çəkiləcək" "Əlbəttə, düşməndən qənimət götürülən hərbi sursatların özüm də marağındaydım və istədim ki, övladlarım da bunu görsünlər. Klip çəkmək üçün kifayət qədər mahnılarım var, müharibə dövründə də lentə aldırmışıq. Klipim Hərbi Qənimətlər Parkında da və işğaldan azad edilən torpaqlarımızda əsgərlərimizlə çəkiləcək"

Sonxeber.net xəbər verir ki, bunu moderator.az-a açıqlamasında Xalq artisti Gülyanaq Məmmədova deyib. Müğənni yeni mahnılarından danışıb:

"Hərbi Qənimətlər Parkına ailəmlə birlikdə getmişik. Uşaqlarımızı məlumatlandırmaq üçün həyat yoldaşımla ora aparmışıq və maraqla seyr ediblər. Ali Baş Komandanımız, güclü ordumuz sağ olsun. Onlar bu qalibiyyəti əldə etdilər və bizi otuz il həsrətin çəkdiyimiz torpaqlarımıza qovuşdurdular. Əlbəttə, düşməndən qənimət götürülən hərbi sursatların özüm də marağındaydım və istədim ki, övladlarım da bunu görsünlər. Klip çəkmək üçün kifayət qədər mahnılarım var, müharibə dövründə də lentə aldırmışıq. Klipim Hərbi Qənimətlər Parkında da və işğaldan azad edilən torpaqlarımızda əsgərlərimizlə çəkiləcək. Mahnılarım çoxdur, amma yalan danışmayım klip çəkdirmək üçün vəsait lazımdır. İndiki dövrdə pandemiya şəraitində isə bu mümkün deyil. Bilirsiniz ki, həmin vəsaiti biz toy məclislərindən əldə edirdik. Amma təbii ki, işləyirik. Çox şadam ki, mən illərdir müəllim kimi Azərbaycan Dövlət Mədəniyyət və İncəsənət Universitetində və Mahnı Teatrında işləyirəm. Ordan aldığım maaş da həmişə şirindi və öpüb gözüm üstə qoymuşam. Ustadımın mənə öyrətdikləri ilə mən də tələbə yetişdirirəm. Aylıq gəlirim toydan olmasa da, dövlətdən var. Mən buna həmişə şükür etmişəm. Dövlətdən aldığım maaş mənə həmişə əziz, şirin olub".

Müğənni bizə dəstək olan dövlətlərə də mahnılar həsr etdiyini bildirib:

"Mən qardaş Türkiyəmizlə də bağlı yeni mahnı lentə aldırmışam, "iki dövlət, bir millət" olaraq çox doğma olmuşuq. Türkiyə-Azərbaycan birliyinə həsr olunan bir neçə mahnılarım var. Ən son lentə aldırdığım "Ulu türkü özün qoru, İlahi" adlı mahnım bir müddət öncə Mədəniyyət kanalında səsləndi. Bilirsiniz ki, İsrail dövləti bizə çox dəstək olduğu üçün bu dostluğa çox möhtəşəm bir mahnı həsr etmişik. Çox istəyərdim ki, o mahnılara da klip çəkdirim. Çünki o mahnılarda igid Albert Aqarunovun da adı səslənir. Bizə dəstək olan ölkələr bizim üçün həmişə əzizdir. Onların dostluğunu, bu dəstəyini Azərbaycan xalqı heç vaxt unutmaz. Dövlət başçımız hər zaman buna dəyər verib. Eyni zamanda, bizə dəstək olan digər dövlətlərlə bağlı mahnılarımız da yaxın müddətdə təqdim olunacaq".