Aktual mövzular: Dollar alış-satışı, Neftin qiyməti, COP29, Hava proqnozu

Qarabağa xarici investorları bu yolla cəlb etmək olar - İqtisadçı - VİDEO

Tarix: 26 Aprel 2021 10:15

Qarabağın bərpası prosesinə xarici investorları cəlb etmək üçün biz ilk növbədə hərbi təhlükəsizliyi tam təmin etməliyik.

Sonxeber.net xəbər verir ki, bunu ARB24-ün "İşgüzar səhər" verilişinə açıqlamasında iqtisadçı Elmir Səfərli deyib. O bildirib ki, bərpa prosesində iştirak edən xarici investisiya şirkətlərinə müəyyən güzəştlər tətbiq edilməlidir:

"Xarici investisiyaların cəlb edilməsi üçün doğru rəqabət mühiti formalaşdırmaq və vergi, gömrük sahəsində güzəştlər tətbiq etmək lazımdır. Bununla bağlı təklif edirəm ki, investorlar 10 il müddətində müəyyən vergilərdən azad olunsun. Bundan başqa istehsal məqsədilə gətirilən avadanlıqlar da gömrük rüsumlarından tam azad olunmalıdır".

İqtisadçı qeyd edib ki, iqtisadi münasibətlərin inkişafı üçün Qarabağda müştərək investisiyaların formalaşmasına ehtiyac var:

"Müştərək investisiyalara həm dövlətin, həm də yerli və xarici şirkətlərin marağı olmalıdır. Çünki bu, iqtisadi münasibətlərin daimi və uzun müddətdə tənzimlənməsinə xidmət göstərəcək".

Whatsapp ilə göndər