Aktual mövzular: Dollar alış-satışı, Neftin qiyməti, COP29, Hava proqnozu

Smartfonların işləmə müddətini artıran yeni texnologiya təqdim edilib

Smartfonların işləmə müddətini artıran yeni texnologiya təqdim edilib

Tarix: 16 May 2021 09:21

Yapon alimləri akkumulyatorların işləmə müddətini artıran material ixtira ediblər. Bu isə öz növbəsində daima şarj tələb edən smartfon və başqa cihazların işləmə müddətini artırmağa imkan verəcək.

 

“ICTnews” Elektron Xəbər Xidməti “4pda.ru” saytına istinadən yazır ki, Yaponiyanın Qabaqcıl Elm və Texnologiyalar İnstitutunun (JAIST) tədqiqatçıları yeni ixtiranın müəllifidirlər. Mütəxəssislərin sözlərinə görə, yeni material sayəsində akkumulyatorlar daha gec sıradan çıxır və 5 il istifadədən sonra öz həcminin 95%-ni saxlayır. “Bis-imino-acenaphthenequinone-Paraphenylene” (BP) adlandırılmış yeni material artıq yaxın vaxtlarda ənənəvi qrafitdən hazırlanan anodu əvəz edə bilər.

 

Tədqiqatçılar qeyd edirlər ki, müasir akkumulyatorlar il ərzində öz həcminin 10%-dək itirirlər, buna görə üç il sonra əvvəlki həcminin 70%-dən az hissəsini saxlayırlar ki, bu da bir çox istifadəçilərin yeni texnikaya keçməsinə səbəb olur. Bu problem elektrik avtomobilləri üçün daha aktualdır. Yeni texnologiya batareyaların işləmə müddətini artıracaq ki, bu da həm istehsalçılara, həm də alıcılara fayda gətirəcək.

 

Emil Hüseynov




Etiketlər:  Smartfonların işləmə müddətini artıran yeni texnologiya təqdim edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ