Aktual mövzular: Dollar alış-satışı, Neftin qiyməti, COP29, Hava proqnozu

Tanınmış jurnalist ağır qəzaya düşdü: özü və qızı... - FOTO

Tarix: 27 May 2021 13:56

Tanınmış jurnalist Nigar Abbasova qəzaya düşüb.

Sonxeber.net lent.az-a istinadən xəbər verir ki, hadisə paytaxtın Səbail rayonu ərazisində, Su İdman Sarayının qarşısında qeydə alınıb. N. Abbasovanın idarə etdiyi "Hyundai" markalı avtomobil Bibiheybət qəsəbəsindən şəhərin mərkəzinə doğru hərəkətdə olarkən dönmə əməliyyatını düzgün yerinə yetirməyən "Hyundai Santa-fe" markalı maşın qəfildən ona çırpılıb.

Qəza nəticəsində N.Abbasova və avtomobildəki qızı, 12 yaşlı Nərmin xəsarət alıblar. Hər iki yaralı xəstəxanaya yerləşdirilib.

Jurnalist N.Abbasova Lent.az-a açıqlamasında ölümdən döndüklərini və hazırda həkim müayinəsindən keçdiklərini bildirib.

Faktla bağlı araşdırma aparılır.