ABŞ-da koronavirusun müalicəsində yeni dərman təcili istifadəyə verilir

Tarix: 12 Iyun 2021 14:46

ABŞ Qida və Dərman İdarəsi (FDA) Britaniya şirkəti "GlaxoSmithKline" və ABŞ şirkəti "Vir Biotechnology" tərəfindən hazırlanmış COVID-19-a anticismləri olan dərmanın təcili istifadəsinə icazə verib.

Sonxeber.net oxu.az-a istinadən bildirir ki, "Sotrovimab" xəstəliyin yüksək şiddətə keçmə riski olan böyüklər, 12 yaş və ondan böyük xəstələrdə yüngül və orta dərəcədə COVID-19-un müalicəsi üçün təsdiq edilib.

Bu dərman COVID-19 xəstəxanasına yatan və ya oksigen terapiyası tələb edən xəstələr üçün nəzərdə tutulmayıb.

Şirkətlər müalicənin uyğun ABŞ xəstələri üçün önümüzdəki həftələrdə təqdim ediləcəyini deyiblər.

Həmçinin bildiriblər ki, 2021-in ikinci yarısında dərmanların tam təsdiqlənməsi üçün müraciət etməyi planlaşdırırlar.