''Azərbaycana qələbə üçün gedəcəyik'' - ''Qarabağ''a qol vuran futbolçu

Tarix: 7 Avqust 2019 11:12

“Bir qol bizə daha yaxşı ümid verir. Bu, gözlədiyimizdən tamamilə fərqli bir nəticədir".

Qol.az xəbər verir ki, bu sözləri APOEL-in müdafiəçisi Georgos Merkis Çempionlar Liqasının 3-cü təsnifat mərhələsinin “Qarabağ”la ilk oyunundan sonra eyib.

Komandasının yeganə qolunu vuran kiprli futbolçu klubun rəsmi saytına açıqlamasında evdə 1:2 hesabı ilə uduzduqları matçı şərh edib. Bildirib ki, adi epizodlarda etdikləri səhvlər ucbatından məğlub olublar: "İlk yarıda çox yaxşı idik. Qol şanslarını əldən verdik. Rəqib hesabı açdıqdan sonra buna cavab verməyə çalışsaq da, yenə də qol vurdular. Bəzən tələsirdik və bu üzdən bəsit səhvlər buraxırdıq. Azərbaycana qələbə ilə qayıtmaq üçün gedəcəyik”.

Qeyd edək ki, komandalar arasında cavab matçı avqustun 13-də Tofiq Bəhramov adına Respublika Stadionunda keçiriləcək.