Aktual mövzular: Dollar alış-satışı, Neftin qiyməti, COP29, Hava proqnozu

“Hakim böyük səhvə yol verdi”

“Hakim böyük səhvə yol verdi”

Tarix: 8 Iyul 2021 13:44

Danimarka millisinin sabiq qapıçısı Peter Şmeyxel Avro-2020-nin yarımfinalında İngiltərə ilə matçda (1:2) baş hakim Denni Makkellinin Danimarkanın qapısına təyin etdiyi penaltidən danışıb.

Sonxeber.net qol.az-a istinadən xəbər verir ki, o, rəqibin oyunçusu Rahim Sterlinqin cərimə meydançasından yıxılmasına baxmayaraq, referinin qərarının düzgün olmadığını bildirib:

"Bu, böyük səhvdir. Mübahisələr çox uzun müddət davam edəcək. Ancaq burada penalti epizodu yox idi. İngiltərə çox təhlükəli anlarından birində qol vursaydı, məğlubiyyəti daha sakit qəbul edərdim. Ancaq təəssüf ki, hakim böyük səhvə yol verdi. Bu mövzuda ümumi fikri bilirəm. Bu məsələ bağlı telefonuma çoxlu mesaj gəlib. Həmin epizodda penalti olmadığını yazıblar. Hər halda Danimarka millisi ilə qürur duyuruq".

Qeyd edək ki, sözügedən görüşdə penaltini Harri Keyn yerinə yetirib. Qapıçı Kasper Şmeyxel ilk zərbəni dəf etsə də, Harri Keyn təkrar zərbə ilə komandasını hesabda irəli çıxarıb. İngiltərə yekunda 2:1 hesabı ilə qalib gələrək finala adlayıb.

Əlavə edək ki, Kasper Şmeyxel Peter Şmeyxelin oğludur.


Etiketlər:  Hakim böyük səhvə verdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ