Bayramda avtomobilləri texniki baxışdan keçirmək olacaq? - VİDEO

Tarix: 17 Iyul 2021 10:06

4 gün qeyri-iş günləri olmasına baxmayaraq ,həmin günlərdə ölkədə fəaliyyət göstərən texniki müayinə mərkəzləri tam gücü ilə fəaliyyət göstərəcək. Baş Dövlət Yol Polisi İdarəsi vətəndaşlara tövsiyə edir ki, avtomobillərini texniki baxışdan keçirməyən şəxslər bu günlərdə asudə vaxtdan istifadə edib nəqliyyat vasitələrini müayinə etdirsinlər. Texniki baxışla bağlı sualı olan sürücülər isə "012-511-08-40" qaynar xətlə əlaqə saxlaya bilərlər.

Sonxeber.net xezerxeber.az-a istinadən bildirir ki, vaxt azlığını səbəb gətirib atomobilini texniki baxışdan keçirməyən şəxslər,bayramda qeyri-iş günlərindən istifadə edib nəqliyyat vasitələrini müayinədən keçirmələri tövsiyə olunur.

Baş Dövlət Yol Polisi İdarəsinin əməkdaşı Kamal Əhmədlinin sözlərinə görə,Qurban bayramı ilə əlaqədar iyul ayının 18-dən 22-dək qeyri-iş günləri olması səbəbindən vətəndaşların asudə vaxtları daha çox olur.Elə bunu  nəzərə alaraq vətəndaşlara tövsiyə olunur ki,vaxtında nəqliyyat vasitələrini texniki baxışdan keçirsinlər.

Bundan başqa vətəndaşlar nəqliyyat vasitələrinin texniki baxışdan keçməsi ilə əlaqədar onları maraqlandıran məsələlərin operativ öyrənilməsi üçün "012-511-08-40" nömrəli "qaynar xətt"lə də əlaqə saxlaya bilərlər.