Aktual mövzular: Dollar alış-satışı, Məzənnə, Neftin qiyməti

Bu, Cənubi Qafqaz üçün önəmli hadisədir - Britaniyalı siyasətçi

Bu, Cənubi Qafqaz üçün önəmli hadisədir - Britaniyalı siyasətçi

Tarix: 19 Avqust 2021 19:56

Avropa İttifaqı-Azərbaycan Əməkdaşlıq Komitəsinin sabiq sədri Səccad Kərim "BBC Manchester" radiosuna müsahibəsində Azərbaycana səfərindən bəhs edib.

Diasporla İş üzrə Dövlət Komitəsindən Milli.Az-a verilən məlumata görə, Azərbaycan həqiqətlərini öz gözləri ilə görmək və işğaldan azad edilmiş əraziləri ziyarət etmək üçün ölkəmizə səfər etdiyini bildirən S.Kərim deyib ki, hazırda Cənubi Qafqaz bölgəsində gedən müsbət dəyişikliklərə beynəlxalq ictimaiyyət öz töhfəsini verməlidir. Britaniyalı siyasətçi Ermənistanın işğalından azad edilmiş Azərbaycan ərazilərində böyük dağıntıların, ətraf mühit problemlərinin olduğuna, Zəngilan ərazisindən keçən Oxçuçayın zəhərli tullantılarla çirkləndirildiyinə, belə problemlərin qlobal ekoloji proseslərə təsirinə diqqəti cəlb edib.

Səccad Kərim hazırda Azərbaycan tərəfinin həmin ərazilərdə intensiv şəkildə quruculuq-bərpa və abadlıq işlərinə başlamasını Cənubi Qafqaz bölgəsi üçün önəmli hadisə adlandırıb. Azərbaycanda bölgənin inkişafına güclü inamın olduğunu vurğulayıb, yeni səfəri zamanı daha böyük dəyişiklikləri görəcəyinə ümidini ifadə edib.

Milli.Az


Etiketlər:  Bu Cənubi Qafqaz üçün önəmli hadisədir Britaniyalı siyasətçi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ