Kürəkəni aktrisanı ölümlə hədələdi

Tarix: 20 Avqust 2021 18:55

Müğənni Ferdi Tayfurla aktrisa Necla Nazırın qızı Tuğçe Tayfur Taner Şafakla 2019-cu ildə boşanıb.

Sonxeber.net axşam.az-a istinadən xəbər verir ki, cütlük ayrılsa da aralarındakı mübahisə bitmək bilmir. Bu günlərdə isə Neclanın keçmiş kürəkəni onun evinə hücum edib.

Taner qapılara təpik vurub, onları hədələyib. Aktrisa polisə gedərək şikayət ərizəsi yazıb.

"Keçmiş kürəkənim məni öldürməklə təhdid etdi. Silah səsi də eşitdim" deyə, o, ərizəsində yazıb.

Mübahisəyə səbəb isə uşaqlar olub. Belə ki, Necla kürəkəninə zəng edərək nəvələrinin baba və nənəsini görmək istədiyini söyləyib. Şafak isə işi olduğunu, sonra əlaqə saxlayacağını bildirib. Aktrisa keşmiş kürəkənini valideynlərinə zəng etməklə hədələyib. Bunu eşidən Taner əsəbiləşib.

Taner polisə iafdəsində "Telefonda övladımın ağlama səsini eşitdim. Narahat oldum və evə getdim. Silahım yox idi, qapını bərk vurdum" sözlərini söyləyib.