Aktual mövzular: Dollar alış-satışı, Neftin qiyməti, COP29, Hava proqnozu

Dünyada buğdanın qiyməti artıb - SƏBƏB

Tarix: 6 Sentyabr 2021 13:20

Məhsul keyfiyyəti proqnozlarının pisləşməsi səbəbindən avqust ayında dünyada buğda qiymətləri artıb.

Milli.Az xəbər verir ki, bu barədə Ərzaq və Kənd Təsərrüfatı Təşkilatının (FAO) hesabatında deyilir.

Hesabata görə, FAO Taxıl Qiyməti İndeksinin avqust ayında ortalama dəyəri 129.8 bənd olub ki, bu da iyul ayı göstəricisindən 4.3 bənd (3.4%), 2020 -ci ilin avqust səviyyəsindən 30.8 bənd (31.1%) çoxdur.

"Bir neçə iri ixracatçı ölkədə məhsul növlərinin pisləşməsi nəticəsində dünya buğda qiymətləri əvvəlki ayla müqayisədə 11,1 bənd (8,8%) artaraq, keçən ilin müvafiq dövrünün səviyyəsini 41,5 bənd (43,5%) üstələmişdir", deyə - hesabatda deyilir.

Mütəxəssislərin fikrincə, avqust ayında digər taxıl məhsullarının qiymətlərində çox istiqamətli tendensiyalar olub. Qeyd olunur ki, ilk növbədə Kanada və ABŞ-da arpa istehsalı proqnozlarının azalması, həmçinin buğda qiymətlərinin artması beynəlxalq arpa kotirovkalarının iyul göstəricisi ilə müqayisədə 10.9 bənd (9%) artmasına səbəb oldu. Nəticədə keçən ilin eyni dövrünün göstəricisindən 34.7 bal (35.6%) çox olduğu ortaya çıxıb.

Milli.Az

Whatsapp ilə göndər