Aktual mövzular: Dollar alış-satışı, Neftin qiyməti, COP29, Hava proqnozu

Qəhrəman şəhidimiz Rəşad Kazımov - O, 4 medalla təltif edilib - VİDEO

Tarix: 20 Sentyabr 2021 12:06

44 günlük Vətən müharibəsinin qəhrəmanlarından biri də Rəşad Kazımov olub.

Sonxeber.net Xəzər TV-yə istinadən xəbər verir ki, Rəşad Kazımov 1989- cu ildə Füzulinin Bala Bəhmənli kəndində anadan olub.

Orta məktəbi bitirdikdən sonra həqiqi hərbi xidmətə yollanıb. Daha sonra isə müddətdən artıq hərbi qulluqçu kimi xidmətini davam etdirib.

Ötən il sentyabrın 27-də 2-ci Qarabağ döyüşləri başlayanda daim ön xətdə olub. Rəşad, Hadrut, Füzuli, Xocavənd və Şuşa istiqamətlərində gedən döyüşlərdə böyük şücaət göstərib. Ən çətin döyüş tapşırıqlarını qorxmadan, şərəflə yerinə yetirib.

Rəşad Kazımov ötən il oktyabrın 25-də Xocavənd istiqamətində gedən döyüşlərdə qəhrəmancasına şəhid olub. Ailəli olan şəhidimizin bir oğlu və bir qızı var.

Qəhrəman şəhidimiz ölümündən sonra "Füzulinin azad olunmasına görə", "Xocavəndin azad olunmasına görə", "Şuşanın azad olunmasına görə" və " Vətən uğrunda" medalları ilə təltif edilib.

Mövzu ilə bağlı daha ətraflı videomaterialı təqdim edirik:

Whatsapp ilə göndər