Aktual mövzular: Dollar alış-satışı, Məzənnə, Neftin qiyməti

Meksikada 65 nəfərin basdırıldığı gizli qəbiristanlıq aşkarlanıb

Meksikada 65 nəfərin basdırıldığı gizli qəbiristanlıq aşkarlanıb

Tarix: 18 Noyabr 2021 10:28

Meksikanın Verakruz ştatında gizli məzarlardan birində xeyli sayda insan meyiti aşkarlanıb.

Milli.Az "Report"a istinadən xəbər verir ki, bu barədə yerli KİV məlumat yayıb.

Məlumata görə, hadisə Alvarado şəhərində qeydə alınıb.

Adiyyəti orqanların nümayəndələri, o cümlədən prokurorluq və polisin müşayiəti ilə çıxarılan meyitlərin ümumilikdə 65 nəfərə aid olduğu bildirilir. Qeyd edilir ki, ərazidə axtarışlar davam etdiriləcək və insanların ölüm səbəblərinin müəyyənləşdirilməsi istiqamətində işlərə başlanılacaq.

Məlumata görə, meyitlərin üzərindəki şəxsi əşyalar, bank kartları, şəxsiyyəti təsdiq edən sənədlər onıarın 2011-2012-ci illərdə cinayətkar qruplaşmalar arasında gedən silahlı toqquşmalar zamanı öldürüldüyünü göstərir.

Daxili İşlər Nazirliyinin Milli Axtarış Komissiyasının məlumatına görə, Verakruz, Sinaloa, Kolima, Herrero və Sonora ştatları ölkədə ən məxfi məzarların aşkar edildiyi yerlər siyahısındadır.

Meksikadakı axtarış komissiyasının hesabatına görə, ölkədə itkin düşdüyü bildirilən 94 500 nəfərdən xəbər yoxdur.

Milli.Az


Etiketlər:  Meksikada 65 nəfərin basdırıldığı gizli qəbiristanlıq aşkarlanıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ