Aktual mövzular: Dollar alış-satışı, Neftin qiyməti, COP29, Hava proqnozu

Xallar nə zaman təhlükəli olur?

Tarix: 19 Fevral 2022 19:48

Xallar dərinin qüsurudur. Lakin bu çox yayılmış qüsurdur. İnsanların əksəriyyətində xallar var.

Nadir hallarda olsa da xallar insan sağlamlığı və hətta həyatına real təhlükə yarada bilir. Bu nə zaman baş baş verir? Dediyimiz kimi, nadir hallarda olsa da xalın hüceyrələrindən bədxassəli şiş (yəni xərçəng) formalaşa bilər. Risk faktorları arasında irsiyyət, "zaqar"dan sui-istifadə və xalın travmalarıdır. Nəslinizdə belə xərçəng varsa xüsusilə diqqətli olun!

Saglamolun.az bildirir ki, bədəninizdə diametri 6 mm-dən böyük xallar varsa (karandaş pozanından böyük), onlara daim nəzarət edin. Bu da risk faktoru sayılır. Nə zaman həkimə müraciət etmək lazımdır?

- xal böyüməyə başlayıb,

- xalın qıraqları hamar deyil, "ziq-zaq", dalğa kimi olub,

- xalın rəngi dəyişilib (tündləşib, üzərində daha tünd rəngdə ləkələr, nöqtələr əmələ gəlib),

- xal simmetrik deyil.

Whatsapp ilə göndər