Təbliğatçıları da hərbi cinayətlərə görə cavab verəcəklər - Zelenski

Tarix: 10 Mart 2022 17:28

Ukrayna prezidenti Vladimir Zelenski Rusiyanın təbliğatçılarının da hərbi cinayətlərə görə cavabdehlik daşıyacaqlarını bildirib.

Milli.Az UNİAN-a istinadən xəbər verir ki, o, bu barədə videomüraciətində bildirib.

Prezident xatırladıb ki, dünən Mariupolda doğum evi və uşaq xəstəxanası atəşə tutulub, nəticədə 17 nəfər (qadınlar, uşaqlar, həkimlər) yaralanıb, üç nəfər ölüb (onlardan biri uşaq - bir qız).

Zelenskinin sözlərinə görə, bu mövzunu Rusiya televiziyasında yada salıblar.

"O, onların tok-şousunda idi, amma bir həqiqi söz demədilər. Ruslara yalan danışdılar ki, guya xəstəxanada xəstə yoxdur, doğum evində isə qadın və uşaq yoxdur. Ruslar yalan danışıb. Milliyətçilərin ora yerləşdiyi iddia edilir... Həmişə olduğu kimi arxayın şəkildə yalan danışırlar", - o dedi.

Dövlət başçısı vurğulayıb ki, "müharibə cinayətləri onları ört-basdır edən təbliğatçılar olmadan mümkün deyil".

"Mən onlara bir şeyi demək istəyirəm: siz mülki əhalinin bombalanması əmrini verənlərin hamısı ilə eyni şəkildə cavab verəcəksiniz. Biz təbliğatçıların və onlarla əlaqəli şəxslərin bütün əmlakını tapacağıq. Harada olursa olsun, onun müsadirə olunması üçün hər şeyi edəcəyik. Zəngin həyatı, firavan ölkələri sevirsən? Artıq bu olmayacaq və bu, yalnız başlanğıcdır", - o dedi.

Zelenskinin sözlərinə görə, təbliğatçılar, şübhəsiz ki, müharibə cinayətlərində iştiraka görə məsuliyyət daşıyacaqlar.

"Və bu, mütləq baş verəcək, Rusiya vətəndaşları sizə nifrət edəcəklər. İndi hər gün və uzun illərdir aldatdığınız hər kəs. Yalanlarınızın nəticələrini hiss edəndə, pul kisələrində hiss edəcəklər, getdikcə azalan imkanlarda, rus uşaqlarının oğurlanmış gələcəyində", - Zelenski dedi.

Prezident qeyd edib ki, müharibə həmişə həm qurbanı, həm də hücum edəni vurur.

"Hücum edən bunu sadəcə sonra başa düşür, lakin o, həmişə başa düşür və həmişə əziyyət çəkir".

Aslan Məmmədov
Milli.Az