Çerniqov susuz qaldı

Tarix: 11 Mart 2022 13:36

Çerniqovda rusların gecə hücumları nəticəsində şəhərin su təchizatı kəsilib.

Sonxeber.net UNİAN-a istinadən bildirir ki, bu barədə "Çernihivvodokanal"-ın Facebook səhifəsində məlumat verilib.

"Gecə zərbələri zamanı su təchizatı şəbəkəsi böyük ehtimalla böyük həcmdə sıradan çıxıb. Sızmalara görə şəhərin su təchizatı dayandırılıb", - məlumatda deyilir.

Şirkət şəhər sakinlərini şəbəkələrə dəyən zərər barədə məlumat verməyə çağırıb.

Xatırladaq ki, Rusiya qüvvələri Çerniqov vilayətində Nejın şəhərinə "Uraqan"lardan atəş açıb. 8 yaralı və 2 ölü haqqında məlumat var. Partlayış nəticəsində istilik magistralının 40 metri zədələnib, təmir işləri aparılır, günün sonuna qədər evlərə istilik qaytarılmalıdır.

Aslan Məmmədov