Aktual mövzular: Dollar alış-satışı, Məzənnə, Neftin qiyməti

Ərdoğan yenidən Putin və Zelenskini Türkiyəyə danışıqlara dəvət edib

Tarix: 18 Mart 2022 07:52

Türkiyə Prezidenti Rəcəb Tayyib Ərdoğanın Rusiya Prezidenti Vladimir Putinlə telefon danışığının təfərrüatı açıqlanıb.

Milli.Az "report"-a istinadən bildirir ki, Ərdoğan və Putin Rusiya ilə Ukrayna arasında müharibədə son hadisələri və yerlərdə humanitar vəziyyəti müzakirə ediblər.

Türkiyə lideri qeyd edib ki, bir sıra məsələlərdə razılığa gəlmək üçün Rusiya Federasiyası və Ukrayna liderlərinin prezidentləri arasında şəxsi görüş tələb oluna bilər və bununla bağlı o, yenidən Putinlə Zelenskini İstanbul və ya Ankaraya görüşə dəvət edib.

Ərdoğan əmin olduğunu bildirib ki, (Ukraynada) atəşkəs elan olunsa, tərəflər ziddiyyətləri uzunmüddətli həll etmək imkanı əldə edəcəklər.

Türkiyə dövlətinin başçısı həmçinin (Ukraynadakı) humanitar dəhlizlərdən hər iki istiqamətdə səmərəli istifadənin və vəziyyətin yerində monitorinqinin vacibliyini qeyd edib.

Milli.Az

Whatsapp ilə göndər