Aktual mövzular: Dollar alış-satışı, Neftin qiyməti, COP29, Hava proqnozu

Ukrayna müharibəsində azı 1 104 mülki şəxs ölüb, 1 754 nəfər yaralanıb

Ukrayna müharibəsində azı 1 104 mülki şəxs ölüb, 1 754 nəfər yaralanıb

Tarix: 26 Mart 2022 21:48

Rusiyanın Ukraynaya qarşı müharibəyə başladığı 24 fevral 2022-ci il tarixindən 25 mart 2022-ci il saat 00:00-a qədər mülki əhali arasında itkilər 2 858 nəfər (bir gün əvvəlki hesabatda 2 788 nəfər idi - red), o cümlədən 1 104 nəfər (1081) dinc sakin təşkil edib.

Sonxeber.net "Report"a istinadən bildirir ki, bu barədə BMT-nin İnsan Hüquqları üzrə Ali Komissarlığı şənbə günü məlumat yayıb.

"Ali Komissarlıq hesab edir ki, real rəqəmlər xüsusilə hökumətin nəzarətində olan ərazilərdə və son günlər daha çoxdur, çünki intensiv döyüşlərin getdiyi bəzi yerlərdən gələn məlumatlar gecikdirilir və bir çox hesabat hələ də təsdiqini gözləyir", - sənəddə vurğulanır.

Qeyd edilir ki, Mariupol və Volnovaxa, İzyum, Severodonetsk, Trostyanetsk (Sum vilayəti) şəhərlərində dinc əhali arasında çoxsaylı itkilər var.

BMT-nin təsdiqlənmiş məlumatlarına görə, müharibə zamanı 221 kişi, 167 qadın, 30 oğlan və 15 qız ölüb, 51 uşaq və 620 nəfər (böyüklər-red) cinsiyyəti hələ müəyyən edilməyib.

Xəsarət alan 1 754 nəfərdən 30-u qız, 24-ü oğlandır, yaralılar arasında o cümlədən cinsiyyəti hələlik müəyyən edilməmiş 70 uşaq da var.


Etiketlər:  Ukrayna müharibəsində azı mülki şəxs ölüb nəfər yaralanıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ