Aktual mövzular: Dollar alış-satışı, Neftin qiyməti, COP29, Hava proqnozu

Rusiyalı milyarderin 105 milyonluq villası müsadirə olundu

Rusiyalı milyarderin 105 milyonluq villası müsadirə olundu

Tarix: 11 Aprel 2022 22:40

İtaliyada rusiyalı milyarder Dmitri Arkadieviç Mazepin və onun oğlu "Formula 1" pilotu Nikitaya məxsus 105 milyon avro dəyərində əmlakı müsadirə olunub.

Milli.Az "qafqazinfo"-ya istinadən xəbər verir ki, bu barədə İtaliya Maliyyə Polisi (Guardia di Finanza) açıqlama yayıb.

Bildirilib ki, Sardiniya adasındakı Olbia şəhəri yaxınlığındakı 105 milyon avro dəyərində olan Mazepin ailəsinə məxsus villa araşdırmaların təsdiqindən sonra müsadirə olunub.

Qeyd edək ki, ötən il "Formula1"də "Haas" komandasında çıxış edən Nikita Mazepinin müqaviləsi bu ilin əvvəlində uzadılsa da, Rusiyanın Ukraynaya qarşı başlatdığı müharibə səbəbindən müqaviləsinə xitam verilib.

Xatırladaq ki, İtaliyada Avropa İttifaının (Aİ) sanksiya siyahısında olan və Rusiya Prezidenti Vladimir Putinə yaxınlığı ilə tanınan 5 rusiyalı milyarderə məxsus 143 milyon avro dəyərində sərvət martın 5-də, digər rusiyalı oliqarx Andrey Melniçenkonun isə 530 milyon avro dəyərində olan "Sy A" adlı dəbdəbəli yaxtası martın 12-də müsadirə olunub.

Milli.Az


Etiketlər:  Rusiyalı milyarderin milyonluq villası müsadirə olundu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ