Bu yolda piyada zolağı var, ancaq istifadə etmək olmur - VİDEO

Tarix: 21 Aprel 2022 18:50

Sumqayıtda Üzeyir Hacıbəyov küçəsində çəkilmş piyada zolağı görənləri təəccübləndirir. Məsələ ondadır ki, zolağın axırında ağaclar və dekorativ güllər əkilib. Buna görə də əksər piyadalar  məcbur qalıb zolağın sonunda yenidən maşın yoluna çıxmalı olurlar. Bu isə onların həyatı üçün təhlükə yaradır. Məsələyə aidiyyəti qurum aydınlıq gətirib.

Sonxeber.net Xəzər TV-yə istinadən xəbər verir ki, sakinlər üçün piyada zolağı çəkilsə də, əksər sakinlər buradan istifadə edərkən təhlükə ilə üz-üzə qalırlar.

Piyadaların sözlərinə görə bu piyada zolağı düzgün çəkilməyib.

Məsələ ilə bağlı Baş Dövlət Yol Polsi İdarəsi Sumqayıt "Siqnal" İxtisaslaşdırılmış Layihə-İstehsalat İdarəsindən bildirilib ki, sözügedən piyada zolağı ilə bağlı quruma heç bir müraciət daxil olmayıb. ''Ağaclar və dekorativ güllər isə zolaq çəkildikdən sonra əkilib. Əraziyə yenidən baxış keçiriləcək, yaranmış çətinliyin aradan qaldırılması istiqamətində tədbirlər görüləcək''-deyə məlumatda bildirilib.