Aktual mövzular: Dollar alış-satışı, Neftin qiyməti, COP29, Hava proqnozu

Britaniya Şərqi Avropaya 8000 hərbçi göndərir

Britaniya Şərqi Avropaya 8000 hərbçi göndərir

Tarix: 29 Aprel 2022 12:56

Böyük Britaniya hərbi təlimlərdə iştirak etmək üçün Şərqi Avropaya 8000 hərbçi göndərir.

Sonxeber.net APA-ya istinadən bildirir ki, bu, Böyük Britaniyanın soyuq müharibədən sonra Avropada ən böyük hərbi qüvvələr yerləşdirməsidir.

Məlumata görə, Rusiyanın Ukraynanı işğalı ilə əlaqədar olaraq bu yay keçirilməsi planlaşdırılan təlimlərin miqyası genişləndirilib. Qeyd olunub ki, təlimlər çərçivəsində Finlandiyadan Şimali Makedoniyayadək onlarla Britaniya tankları yerləşdiriləcək. Qeyd olunub ki, Britaniya hərbçilərinə NATO, eləcə də Finlandiya və İsveçin də daxil olduğu Birgə Ekspedisiya Qüvvələri alyansının hərbçiləri qoşulacaq. Nəticədə təlimlərdə iştirak edəcək hərbçilərin sayının on minlərlə olacağı vurğulanıb.

Britaniya Müdafiə Nazirliyinin məlumatında bildirilib ki, təlimlər uzun müddət öncə planlaşdırılıb və Rusiyanın fevralda öz qonşusunu işğal etməsinə cavab olaraq inkişaf etdirilib.

Britaniya ordusunun generalı Ralf Vuddis (Ralph Wooddisse) bildirib ki, Böyük Britaniya Avropanın müdafiəsinə və Rusiyanın aqressiyadan çəkindirilməsinə nəzərəçarpan töhfə verir.


Etiketlər:  Britaniya Şərqi Avropaya 8000 hərbçi göndərir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ