Aktual mövzular: Dollar alış-satışı, Məzənnə, Neftin qiyməti

“Nə deyəcəyimi bilmirəm” - Bəhlul Mustafazadə

“Nə deyəcəyimi bilmirəm” - Bəhlul Mustafazadə

Tarix: 15 Sentyabr 2019 11:23

"Sabah"ın müdafiəçisi Bəhlul Mustafazadə evdə "Qəbələ"yə 0:1 hesabı ilə uduzduqları Azərbaycan Premyer Liqasının IV tur matçından sonra jurnalistlərin suallarını cavablandırıb

- “Sabah” bu mövsüm hələ qalib gəlməyib. Probleminiz nədir?

- İstəmədiyimiz nəticə oldu. Çalışırdıq ki, qalib gələk. Üç xal istəyirdik, çünki qələbəmiz yox idi. Amma belə alındı. Nə deyəcəyimi bilmirəm. Çalışacağıq ki, uğursuz seriyaya son qoyaq və gələn oyunda mütləq qalib gələk. Futboldur, belə alındı. Qısa müddətdə toparlanıb, qələbə qazanmalıyıq.

- “Qəbələ”yə məğlubiyyətinizin əsas səbəbi nə oldu?

- Fikrimcə, ilk hissədəki epizodlarımızdan yararlansaydıq, rahatlaşardıq. Qol vurmadıqca özümüzü stresə saldıq. Mütləq qələbə qazanmaq istəyirdik. Qol vura bilmirdik, vaxt keçirdi və üzərimizdə təzyiq yaranırdı.

- Yetirməsi olduğunuz kluba qarşı oynamaq sizin üçün xüsusi önəm daşıyırdı?

- Xüsusi bir şey yox idi, adi çempionat oyunu oldu. Əlimdən gələni etdim ki, komandama köməyim dəysin.

- Oyundan sonra baş məşqçi futbolçularla söhbət etdi. Sizə irad bildirdi?

- Əlbəttə. Bu vəziyyətə özümüz düşmüşük və bunu düzəltməliyik. Ümid edirəm ki, qısa zamanda düzəldə biləcəyik.

- Məşhur türkiyəli agent Muzzi Özcan sizinlə İngiltərə klublarının maraqlandığını bildirib. Belə bir məlumatınız var?

- Mənim xəbərim yoxdur və kimsə nəsə deməyib.

 


Etiketlər:  deyəcəyimi bilmirəm Bəhlul Mustafazadə


RƏYLƏR

OXŞAR XƏBƏRLƏR



Populyar Xəbərlər

XƏBƏR LENTİ