İyirmi pişik iki həftə ölü qadının cəsədini yeyirdi

Tarix: 16 Iyun 2022 12:02

İyirmi "Maine Coon" (ABŞ-ın şimal-şərqindəki Men ştatında yaranan pişik cinsi) cinsi olan pişik iki həftə ərzində Rostov vilayətinin Bataysk şəhərində ölü sahibi ilə bir mənzildə qalıblar.

Milli.Az kp.ru-ya istinadən bildirir ki, qida çatışmazlığı səbəbindən onlar zavod işçisinin bədəni ilə qidalanmağa məcbur olublar. İndi heyvanlar xilas edilib, könüllülər baytarlarla birlikdə onlara qulluq edir.

Zoopark könüllüsünün dediyi kimi, ölən qadın üçün məşhur cinsdən olan qırmızı pişik balaları yalnız gəlir mənbəyi idi: o, heç vaxt onlara peyvənd etməmiş, sterilizasiya etməmiş və sağlamlıqlarına diqqət yetirməmiş, sadəcə onları satmışdır.

"Elə oldu ki, bir dəfə hamının başına gələn iş bu qadının başına gəldi - o vəfat etdi. Və iyirmidən çox "Maine Coon" onunla bağlı bir mənzildə qaldı. Nə yedilər, əlbəttə ki, onu yedilər", - heyvan hüquqları müdafiəçisi davam edir.

Ölən qadının qohumu olmadığından uzun zaman heç kim şübhələnmirdi. Bundan əlavə, qonşular mənzildə səs-küyə öyrəşmişdilər. Belə ki, qadının cəsədi iki həftəyə yaxın mənzildə qaldı, sonra isə mənzilə qonşular daxil olublar. Sonra pişikləri qonşu götürüb - həm də satış xatirinə. O, taqətdən düşmüş, arıqlamış heyvanları tövləyə yerləşdirərək ucuz qiymətə satırdı. Qonşu demək olar ki, hamısını satdı - yalnız ən arıq və ən xəstə pişiklər qaldı.

Amma könüllülər yerdə qalan ev heyvanlarını götürüb xəstəxanaya yerləşdirə biliblər. Heyvan fəalları onların sağalacaqlarına və bundan sonra yeni yuva tapacaqlarına inanırlar. Onların sözlərinə görə, artıq "Maine Coon"lara sığınacaq vermək istəyənlər var.

İrfan Vəliyev
Milli.Az