Aktual mövzular: Dollar alış-satışı, Neftin qiyməti, COP29, Hava proqnozu

Rusiyadan təhlükəli addım - NATO ölkəsinin hava məkanına müdaxilə

Rusiyadan təhlükəli addım - NATO ölkəsinin hava məkanına müdaxilə

Tarix: 21 Iyun 2022 23:44

Rusiya sərhəd qoşunlarına məxsus helikopter Estoniyanın hava məkanını pozub.

Sonxeber.net teleqraf.com-a istinadən bildirir ki, bu barədə Estoniya Silahlı Qüvvələrinin Baş Qərargahı məlumat yayıb.

Məlumatda bildirilib ki, iyunun 18-də axşam saatlarında Rusiyanın "Mi-8" helikopteri ölkənin cənub-şərqində, Koydula rayonu yaxınlığında Estoniyanın hava məkanını pozub.

Pozuntu iki dəqiqəyə yaxın davam edib və təyyarənin uçuş planı Estoniyanın aidiyyəti orqanları ilə razılaşdırılmayıb. Həmçinin qeyd edilib ki, vertolyotun pilotu Estoniya tərəfi ilə əlaqə saxlamayıb.

Hadisə ilə bağlı Rusiya səfiri Estoniya Xarici İşlər Nazirliyinə (XİN) çağırılıb və ona nota təqdim edilib.

Yanvarın sonunda da Estoniya Baş Qərargahı Rusiya Hərbi Hava Qüvvələrinin təyyarəsini Vayndlo adası yaxınlığında ölkənin hava məkanını pozmaqda ittiham edib. Məlumatına görə, qırıcı bir dəqiqədən az müddətə Estoniya hava məkanında olub.


Etiketlər:  Rusiyadan təhlükəli addım NATO ölkəsinin hava məkanına müdaxilə


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ