Mars “fatehi” gözlənilməz zədə alıb

Tarix: 5 Iyul 2022 15:24

"Perseverance" roverinin Marsın səthinə enməsindən bir ildən bir qədər çox vaxt keçib.

Lakin cihaz artıq kifayət qədər ciddi problemlə üzləşib.

Sonxeber.net oxu.az-a istinadən xəbər verir ki, Qadcetin təchiz olunduğu "Mars Environmental Dynamics Analyzer" (MEDA) meteoroloji stansiyasının işinə cavabdeh olan mühəndislər külək sensorlarından birinin xarab olduğunu açıqlayıblar.

Məlumata görə, Qırmızı Planetdə güclü külək qalxıb, nəticədə roverin gövdəsinə daş dəyib.

Bildirilir ki, hazırda baş verənlərə görə sensorun imkanları kifayət qədər məhduddur.

Xatırladaq ki, "Perseverance" 18 fevral 2021-ci ildə Marsa eniş edib. O vaxtdan bəri cihaz "İngenuity" helikopteri ilə birlikdə milyardlarla il əvvəl mikroblarla zəngin ola biləcək qədim çay deltasını tədqiq edir.