Aktual mövzular: Dollar alış-satışı, Məzənnə, Neftin qiyməti

Hesablama Palatası pozuntularla bağlı dövlət qurumlarına məlumat verdi

Tarix: 22 Iyul 2022 08:44

Hesablama Palatasının nəzarət tədbirlərinin nəticələri üzrə bir sıra dövlət orqanlarına məlumat təqdim edilib.

Palatadan Milli.Az-a verilən məlumata görə, nəzarət tədbirlərinin nəticələri ilə bağlı zəruri addımların atılması məqsədilə 12 kənar dövlət maliyyə nəzarəti obyektinə, eyni zamanda 3 halda onların yuxarı orqanlarına auditor hesabatı və kollegiya qərarları göndərilib.

Bir tədbir üzrə Nazirlər Kabinetinə, 4 tədbir üzrə vəsaitlərin təyinatının dəyişdirilməsi, eləcə də satınalma prosedurlarının tətbiq olunmaması, vəsaitlərin akkreditiv hesablarda saxlanılması halları ilə bağlı Maliyyə Nazirliyinə, 4 tədbir üzrə "Dövlət satınalmaları haqqında" Azərbaycan Respublikası Qanununun tələblərinin pozulması, vergi və məcburi sosial ödənişlər üzrə müəyyən olunmuş nöqsanlar barədə İqtisadiyyat Nazirliyinə, hər bir auditlə bağlı qanunvericiliklə nəzərdə tutulmuş qaydada Milli Məclisə məlumat verilib.

Milli.Az

Whatsapp ilə göndər