Zelenskinin valideynləri kimdir və harada yaşayırlar? - FOTO

Tarix: 6 Noyabr 2022 19:42

Ukrayna lideri Vladimir Zelenskinin başı böyük siyasətə qarışarkən, onun valideynləri təcili olaraq başqa ölkəyə gedib və yeni vətəndaşlıq alıblar.

Milli.Az gundem.az-a istinadən xəbər verir ki, ingilis xüsusi təyinatlıları Aleksandr Semenoviç və Rimma Vladimirovnanın təhlükəsizliyinə cavabdehdirlər. Onlar çox varlı "yeni israillilərin" əhatəsində yaşayırlar.

Zelenski cütlüyü Rişpon şəhərindəki bağ evində məskunlaşıb. Üzgüçülük hovuzu və mühafizə üçün ayrıca evi olan malikanənin qiyməti səkkiz milyon dollar qiymətləndirilir.

"4 cangüdən yaşlı Zelenski cütlüyünün əmin-amanlığını qoruyur. Ayda minlərlə funt-sterlinq  təhlükəsizlik şirkətinin xidmətləri və iki zirehli Lexus avtomobili üçün xərclənir. İqor Kolomoyski və Gennadi Boqolyubovun qohumları Ukrayna prezidentinin valideynləri ilə qonşu olublar, Mixail Proxorov da yaxınlıqda məskunlaşıb", - məlumatda deyilir.
Bəllidir ki, Zelenskinin atası ikinci vətəndaşlığa qarşı olub, lakin şərait onu məcbur edib və baş verənlərlə barışıb.

Daşınmaz əmlak və lüks avtomobillər almaq üçün yeni sənədlərdən istifadə edilib. Eyni zamanda, İsrail mediası ölkənin yeni vətəndaşları haqda xəbəri  şərh etməyib. Ehtimal olunur ki, bu, Ukrayna liderinə zərər verə bilər.

Milli.Az